കല്യാണിക്കുട്ടിസ് കാൽ !

"നിനക്ക് ഇന്ന് തുള്ളലുണ്ടോ ?" ഫോണിൽ വിളിച്ചു  ഭർത്താവ് അന്വേഷിക്ക്കുന്നു! ഈ വയസ്സാം കാലത്ത് മോഹിനിയാട്ടം ചെയ്‌താൽ ഇങ്ങനെ ഒക്കെ  കേള്ക്കേണ്ടി വരും... But , ആര് മൈൻഡന്നു !!! നമ്മ്മൽ തുള്ളൽ , സോറി  മോഹിനയാട്ടം continue ചെയ്യും! അല്ല പിന്നാ !!!

നല്ല തണുപ്പ്  കാലത്ത് ആകെ കിട്ടുന്ന exercise ആണേ (ഇതൊക്കെ ഓരോ excuse ആണേ). ഒരു സ്റ്റേജ് ഷോ ക്ക് മോഹിനിയാട്ടം ചെയ്യാനുള്ള പ്രാക്ടീസ് ഗംഭീരമായി നടക്കുന്നു.  നല്ലപ്പോ ചെയുന്ന കാര്യല്ലേ, കാലിൻറെ വിരലിനു നല്ല വേദന. കാലു കുത്താൻ തന്നെ പറ്റുന്നില്ല. വേദന സഹിക്കാൻ പറ്റാതായപ്പോൾ ഡോക്ടർ നെ കാണാൻ appointment എടുത്തു ക്ലിനിക്‌ലേക്ക് ഇറങ്ങാൻ തുടങ്ങുമ്പോൾ ആണ് കാലു ശ്രദ്ധിച്ചേ , nail പോളിഷ് ഒക്കെ പാണ്ട് പിടിച്ച പോലെ അവിടെയും ഇവിടെയും ഒക്കെ ആയി നല്ല വൃത്തികെട്. ശോ, ഇതിപ്പോ എങ്ങനെ ഡോക്ടരനെ കാണിക്കും, അയ്യേ.... appointment നു എത്താൻ ലേറ്റ് ആയാലും വേണ്ടില്ല ഈ കാലു ഇങ്ങനെ കാണിക്കാൻ പറ്റില്ല.. വേഗം പൊയ് നല്ല ഒരു nail polish എടുത്തു കാൽ വിരലുകളിൽ ഇട്ടു. അപ്പോൾ ദേവൂട്ടിടെ comment "അമ്മ യുവർ ഫീറ്റ്‌ look beautiful " എന്ന്! ആണോ!!!! ഞാൻ ഒന്നൂടെ നോക്കി, നീണ്ടു മെലിഞ്ഞു കരീല കോരി പോലെ തോന്നുന്ന ഈ വൃത്തികെട്ട വിരല് കണ്ടിട്ടാണോ ഇവള് പറയുന്നേ!!! കല്യാണികുട്ടിയുടെ ആകെ കണ്‍ഫ്യൂഷൻ ആയ മുഖം കണ്ടാവണം അവൾ പറഞ്ഞു "അമ്മാ, little bit glitter നെയിൽ പോളിഷ് will be really ഗുഡ് on your toes !" ഓ ആണോ!!! വീണ്ടും നോക്കി, കൊച്ചു പറഞ്ഞെ ശെരിയാ ഇത്തിരി glitter nail polish കൂടി മേലെ ഇടാം. സമയം കടന്നു പോകുന്നു, ബട്ട്‌ കാലു വൃത്തിയായി തോന്നേണ്ടേ ഡോക്ടര നു! അതും ഇവിടുത്തെ മദമ്മകൽക്കു എല്ലാം ഈ വക കാര്യം ഇത്തിരി നോട്ടം കൂടുതലാ. എന്റെ കാലു കണ്ടവർ അസൂയപെടട്ടെ ! ഇട്ടോ മോളെ ,നീ ധൈര്യായി അങ്ങ് ഇട്ടു താ...കേട്ട പാതി അവൾ കുറെ നെയിൽ പോളിഷ് എടുത്തു ചാമ്പി. കല്യാണികുട്ടി തിരക്ക് പിടിച്ചു റെഡി ആയി വേഗം coat-ഉം jacket -ഉം എല്ലാം വലിച്ച് കേറ്റി ഞോണ്ടി ഞോണ്ടി ക്ലിനിക്‌ൽ പൊയ്.

അധികം വെയിറ്റ് ചെയ്യേണ്ടി വന്നില്ല, ഡോക്ടര-ന്റെ റൂം-ലേക്ക് വിളിച്ചു. സുന്ദരി ഡോക്ടർ ... കാര്യങ്ങൾ എല്ലാം കേട്ടപ്പോൾ കാലു കാണിച്ചേ എന്ന് ഡോക്ടർ . ടെൻഷൻ മാറി, ഇത്രേ ഒക്കെ നെയിൽ പോളിഷ് ഇട്ടു ക്രീം തേച്ചു മിനുക്കി വൃതിയക്ക്കിയ കാലു കാണിക്കാതെ തിരിച്ചു പോകേണ്ടി വന്നിരുന്നേൽ എത്ര നോന്തെനെ മനസ്സ്. കേട്ട പാതി കല്യാണികുട്ടി ഷൂ ഊരി , "ഏകദേശം ഈ ഭാഗത്തായി ആണ് വേദന എന്നൊക്കെ തൊട്ടും ചൂണ്ടിയും കാണിച്ചു കൊണ്ട് socks ഊരാൻ തുടങ്ങി. ങേ!!! ഇതെന്താ ഊരാൻ പറ്റാത്തെ !!! വലിച്ചു നോക്കി, ഇല്ല പോരുന്നില്ല... കല്യനികുട്ടിയുടെ കഷ്ടപ്പാട് കണ്ടിട്ട് ഡോക്ടറും കൂടി help ചെയ്യാൻ തുടങ്ങി. പുള്ളിക്കാരി socks അങ്ങോട്ട്‌ വലിക്കും കല്യാണികുട്ടി കാലു ഇങ്ങോട്ട് വലിക്കും! അങ്ങോട്ടും ഇങ്ങോട്ടുമുള്ള വലിയെല്ലാം കഴിഞ്ഞപ്പോൾ, പാലാഴി മദനം കഴിഞ്ഞു മോഹിനി പ്രത്യക്ഷപെട്ട പോലെ കല്യനിക്കുട്ടിസ് കാൽ പ്രത്യക്ഷപെട്ടു . പകുതി nail polish socks -ഉം, socks -ന്റെ പൂടയും പപ്പും എല്ലാം nail-ലും!!! ഡോക്ടർ പെട്ടന്ന് prescription എഴുതാൻ എന്ന വ്യാജേന തിരിഞ്ഞു. മോഹിനിയാട്ടത്തിൽ അത് വരെ പഠിച്ചിട്ടില്ലാത്ത ഒരു പ്രത്യേക pling ഭാവം മുഖത്ത് വെച്ച് കല്യാണികുട്ടിയും ഇരുന്നു.

വാൽ കഷ്ണം: കല്യനിക്കുട്ടിയോടു അസൂയ ഉള്ള ചില കൂട്ടുകാര് പറഞ്ഞു നടക്കുന്ന പോലെ ആ ഡോക്ടര കല്യാണിക്കുട്ടിക്ക് nail polish prescribe ചെയ്തിട്ടില്ല . സത്യം.

 

Start Engine

അമേരിക്കയിലുള്ള പയ്യനുമായി കല്യാണം fix . പെട്ടന്ന് മനസ്സില് ഓടിയെത്തിയത് "Jurassic Park ", "Titanic" , "Rush hour" പോലുള്ള സിനിമകൾ ആണ്.. Jurrassic Park -ലെ വൃത്തികെട്ട ജീവികളുമായി ഭാവി വരനു ഒരു സാമ്യവുമില്ല (അല്ല ഇനി ഇപ്പൊ ഇങ്ങനെ അല്ലെ പറയാൻ പറ്റൂ ;) ) , ടൈറ്റാനിക്‌ ലെ കപ്പൽ പോലെ ജീവിതം മുങ്ങും എന്ന പേടിയുമില്ല... സിനിമ കണ്ടപ്പോൾ ഉള്ള പ്രയാസം ഓർത്തിട്ടു തന്നെ ..തമാശകൾ അമേരിക്കൻ accent-ൽ  അങ്ങോട്ട്‌ വരുമ്പോൾ ഒരു മാതിരി വൃത്തിക്കെട്ട ഫീലിംഗ് ആണ് .  തമാശ  പറയുന്ന ആളെ നോക്കണം, അവരുടെ മുഖത്ത് വരുന്ന ഭാവം നോക്കണം, അത് കേട്ടിരിക്കുന്നവരുടെ ഭാവങ്ങൾ ശ്രദ്ധിക്കണം, പിന്നെ ആ കറക്റ്റ് ഭാവം നമ്മൾ നമ്മുടെ മുഖത്ത് കൊണ്ട് വരണം ... ടൂ much... ടൂ much ...ഇംഗ്ലീഷ് സിനിമയ്ക്കു ഇഗ്ലിഷ് subtitles ഇട്ടു കൂടെ ഈ പഹയന്മാര്ക്ക്!

ഈ അനുഭവം ശിഷ്ട കാല ജീവിതത്തിൽ ഇനി അനുഭവിച്ചു കൊണ്ടേ ഇരിക്കെണ്ടേ...എന്റെ പാട്ടംബലതിലമ്മെ!!! ഇതിനു ഒരു പരിഹാരമായി ഗുജറാത്തിൽ ചേച്ചിയുടെ വീട്ടില് vacation ചിലവൊഴിക്കാൻ ചെന്നപ്പോൾ അവിടുത്തെ NIIT-യിൽ C# sharp ക്ലാസിനു അങ്ങ് ചേർന്നു ...അവിടെ NIIT-യിൽ എല്ലാരും അമേരിക്കൻ ഇംഗ്ലീഷ്ലാണ് പോലും സംസാരം...ഇനി ഇപ്പൊ ഞാനും ഇംഗ്ലീഷ് തമാശകൾ അങ്ങ് പറയും ആഹാ.. നമ്മളോടാ കളി!!!

അങ്ങനെ ആദ്യ ക്ലാസ്സിൽ ചെന്നു. ഒരൊറ്റ മലയാളീ പൊലുമില്ല.. ഒരു പയ്യന് വന്നു പരിച്ചപ്പെട്ടു. നല്ല സോഷ്യൽ ആയ കുട്ടികൾ.. സര് വന്നു പരിചയപ്പെദുന്നു ബിക്രാന്ത് സാർ!! നല്ല ബ്രിതിക്കെട്ട പേര്!.. എന്റെ turn ആയപ്പോൾ ഞാൻ പതിയെ എഴുന്നേറ്റു നിന്നു . ഉടനെ നേരത്തെ പരിചയപ്പെട്ട പയ്യന് വിളിച്ചു പറയുവാ "She is Mallu " എന്നു.. പോട്ടൻ!!! രണ്ടോ മൂന്നോ പ്രാവശ്യം ഞാൻ പേര് പറഞ്ഞു കൊടുത്തതാ .. Manju എന്ന് പറയാൻ ഇത്ര പാടാണോ!!!  ഞാൻ തിരുത്തി പരഞ്ഞു. "നോ, ഐ അം Manju ". സമ്മതിക്കില്ല, പിന്നെയും അവൻ പറയുന്നു  ഞാൻ മല്ലു ആണെന്ന്!!! ഇപ്രാവശ്യം ഇത്തിരി കടുപ്പത്തിൽ തന്നെ പറഞ്ഞു, "നോ ഐ അം MANJU ." . ക്ലാസിലെ  കൂട്ട ചിരികൾക്കൊപ്പം കല്യാണിക്കുട്ടി ഇരുന്നു.

ഭാവി വരനുമായി ചാറ്റിങ് മുറപോലെ നടക്കുന്ന സമയം ആണ്..ക്ലാസ്സ്‌ തുടങ്ങിയ ദിവസം പുള്ളിയുടെ ഒരു ഇമെയിൽ വന്നു. അതിൽ ഇത്ര മാത്രം  ."Class engine?".. തലങ്ങും വിലങ്ങും വായിച്ചു നോക്കി.. എന്ത് ENGINE ???  അതിനു ഞാൻ mechanical ഒന്നും അല്ലെല്ലോ പഠിക്കാൻ പോയത്! അതോ ഇനി "Class started?" എന്നതിന് "Class ENGINE ?" എന്നും ചോദിക്കാൻ പറ്റുമോ? English പദ പ്രയോഗം ഒരു അന്തവും കുന്തവുമില്ല.. ചെരുക്കനോട് തന്നെ സംശയം ചോദിച്ചാല നാണക്കേടാവില്ലേ .. ശോ.. ഉടനെ തന്നെ കല്യാണിക്കുട്ടിയുടെ ചേച്ചിയോടും, ഇംഗ്ലീഷ് അരച്ച് കലക്കി കുടിച്ച കസിൻ ദീപയോടും ചോദിച്ചു. Deepa പറഞ്ഞു "ചേച്ചി, അമേരിക്കയിലെ ഇംഗ്ലീഷ് നമ്മുടെ ബ്രിട്ടീഷ്‌ ഇംഗ്ലീഷ്മായി നല്ല difference ഉണ്ട്.. ഇത് അവിടുത്തെ slang ആകും. Kalyanikkutty's ചേച്ചി അത് ശെരിയും വെച്ചു .. എന്തായാലും പിന്നീടുള്ള ദിവസങ്ങളിൽ start എന്ന വാക്കു എവിടെ കണ്ടാലും കല്യാണിക്കുട്ടി അത് "ENGINE" കൊണ്ട് അങ്ങ് replace ചെയ്യുതു കളയും .. എല്ലാരും അറിയട്ടെ കല്യാണിക്കുട്ടിയും American ആണെന്ന്! ഹല്ല പിന്നെ!

വാൽ കഷ്ണം- പിന്കാലത്ത് അമേരിക്കയിൽ ജീവിതം തുടങ്ങിയതിനു ശേഷം മംഗ്ലീഷിൽ എഴുതാൻ പഠിച്ചപ്പോൾ ആണ് കല്യാണിക്കുട്ടിയുടെ ENGINE ശെരിക്കും സ്റ്റാർട്ട്‌ ആയതു..

Engine/Engane undu koottuaare new year?
 

സൂപ്പർ കല്യാണിക്കുട്ടി

സൂപ്പർ കല്യാണിക്കുട്ടി 
--------------------------------------

സൂപ്പർ മാൻ , സൂപ്പർ വുമണ്‍ എന്നൊക്കെ കേട്ടിട്ടില്ലേ? അത് പോലെ കല്യാണികുട്ടിയും ഒരു സൂപ്പർ ആയി. 

ദേവൂട്ടി സ്കൂളിൽ പോകുന്നതിനും മുന്പുള്ള നാളുകളിൽ അവളുടെ കൂടെ കളിച്ചു ചിരിച്ചു സമയം കളയൽ ആയിരുന്നു കല്യാണിക്കുട്ടിയുടെ ഹോബി. അന്നൊക്കെ അവളുടെ കൂടെ തന്നെ ഇരിക്കാൻ വേണ്ടി പച്ചക്കറി അരിയലും, തുണി മടക്കലും എല്ലാം അവൾ എവിടെയാണോ അവിടെ തന്നെ. കുക്ക് ചെയ്യാനുള്ള stove കൂടെ കൊണ്ട് നടക്കാൻ പറ്റിയിരുന്നേൽ അവൾ ഇരിക്കുന്നിടത്ത് പൊയ് കല്യാണിക്കുട്ടി കുക്കും ചെയ്തേനെ. അരിഞ്ഞ പച്ചക്കറികൾ ചിലപ്പോൾ അവളുടെ toy box- ലും tv യുടെ പുറകിൽ ഉണങ്ങി ശുഷ്കിച്ച നിലയിലും കണ്ടു കിട്ടാറുണ്ട്. മടക്കി വെച്ച തുണികളുടെ കാര്യാണേൽ പറയാനും ഇല്ല... അതിന്റെ മേലെ ചാടൽ ആണ് അവളുടെ മറ്റൊരു ഹോബി.

അന്നൊരിക്കൽ  കല്യാണിക്കുട്ടിക്ക് കുറെ അതിഥികൾ ഉണ്ടായിരുന്നു ഡിന്നർന്. ഒരു ഫാമിലിയുടെ parents വന്നിട്ട് തിരിച്ചു നാട്ടിൽ പോകുന്നതിനു മുൻപ് വിളിച്ചതിനാൽ ആ അച്ഛനും അമ്മയും കൂടെ ഉണ്ട്. എല്ലാരും വന്നു നല്ല ജോർ ആയി കത്തിയടി നടക്കുന്നു. കൂട്ടത്തിലുള്ള ഒരു ആൾ സോഫായിൽ ഇടയ്ക്കിടെ അസ്വസ്ഥനാകുന്നു. പുളളി ചരിഞ്ഞു ഇരിക്കുന്നു, നിവര്ന്നിരിക്കുന്നു,.. ആകെ ഒരു ലേക്ക് കേട്ട മട്ടു ... കൂടെ സോഫയിൽ ഇരിക്കുന്നവർ എല്ലാം ഇളകി മറിഞ്ഞു ജംഗ ജഗ ജഗ വാചകത്തിൽ തന്നെ... അവസാനം ഏകദേശം ഒരു മണിക്കൂർ കഴിഞ്ഞപ്പോൾ അസ്വസ്ഥനായ കൂട്ടുകാരാൻ ഒരു സംഭവം സോഫയുടെ കുഷ്യൻന്റെ ഇടയിൽ നിന്നും പൊക്കി എടുത്തു ജ്യോയെ  ഏല്പ്പിച്ചു. കൂട്ടുകാരനും കൂട്ടുകാരന്റെ അച്ഛനും അമ്മയും ബാക്കി അവതാരങ്ങളും എല്ലാം നിശബ്ധർ.. സംഭവം കല്യാണിക്കുട്ടിക്ക് ജ്യോ വെച്ച് നീട്ടിയപ്പോൾ ആദ്യം എത്രയോ നാൾ ആയി മിസ്സ്‌ ആയ സംഭവം തിരിച്ചു കിട്ടിയ സന്തോഷം ആയിരുന്നു കല്യാണിക്കുട്ടിയുടെ ആദ്യ വികാരം... പിന്നെ ഉള്ള വികാരം ഇനി സംഭവം എന്താണെന്ന്  മനസ്സിലാകുമ്പോൾ നിങ്ങള്ക്ക് ഊഹിക്കാം.

ഗുണപാഠം: സോഫയിൽ വെച്ച് തുണി മടക്കാൻ പാടില്ല.

സംഭവം പണ്ടും പുറത്തായിട്ടുണ്ട്.. അത് കല്യാണത്തിനും മുന്പുള്ള സമയം... കല്യാണിക്കുട്ടിക്ക് ഈ സംഭവങ്ങൾ പുറത്തു ആരേലും കാണുന്നത് അതി ഭയങ്കര നാണക്കേട്‌ ആയ സംഭവം ആയതു കാരണം വീട്ടിലെ work area യുടെ ഡോറിന്റെ പുറകില ഒരു ചെറിയ അയ കെട്ടി അതിൽ ആയിരുന്നു ഉണങ്ങാൻ ഇടുക പതിവ്. അതാവുമ്പോൾ പകല് മുഴുവൻ ആ ഡോർ തുറന്നു കിടക്കുന്ന കാരണം സേഫ് ആണ്, ആരും കാണില്ല. ഇവിടെ വില്ലൻ ആയി വന്നത് കല്യാണിക്കുട്ടിയുടെ എല്ലാം എല്ലാം ആയ പപ്പു എന്ന പട്ടിക്കുട്ടി. പല്ല് കുരുകുരുത്ത് വരുന്ന കാലത്താണ് വർക്ക്‌ ഏരിയയിൽ ചുറ്റി പറ്റി നിന്ന പപ്പുവിന് ആ അയയിൽ നിന്നും ഒരു സംഭവം വീണു കിട്ടിയത്. കല്യാണിക്കുട്ടിയുടെ മുഖത്ത് വിരിഞ്ഞ ഭാവങ്ങൾ കണ്ടിട്ട് ആവും പപ്പുവിന് വീണു കിട്ടിയ സംഭവം എന്തോ വലിയ ഒരു സംഭവം ആണെന്ന് തോന്നി...അവൻ അതും കടിച്ചു മുറ്റതിലോട്ടു ഇറങ്ങി, എന്നിട്ട് ഒരു ഒറ്റ ഓട്ടം. കല്യാണിക്കുട്ടി കൈ നീട്ടി അവന്റെ പുറകിലും... പുറമേ നിന്ന് കാണുന്നവർക്ക് വേണേൽ morning jogging ആയി തോന്നിയേക്കാം...അങ്ങനെ ജോഗ്ഗിംഗ് ചെയ്തു ജോഗ്ഗിംഗ് ചെയ്തു കല്യാണിക്കുട്ടി അവശയായി.... പപ്പു ഇപ്പ്രാവശ്യം വീടിന്റെ പ്രദിക്ഷണം നിരത്തി ഗേറ്റ്ന്റെ അടിയിലൂടെ റോഡിലേക്ക്. കല്യാണിക്കുട്ടി ഉള്ള ശക്തി എല്ലാം എടുത്തു പുറകെ. ഗേറ്റ് തുറക്കാൻ കൈ വെയ്ക്കാൻ തുടങ്ങിയപ്പോൾ അതാ കുറെ ചുള്ളൻ പയ്യന്മാരുടെ മുന്നില് പപ്പു സംഭാവോം തൂക്കി നില്ക്കുന്നു. പെട്ടന്ന് ചുമ്മാ കാറ്റ് കൊള്ളാൻ എന്ന പോലെ ഗേറ്റിൽ ഇങ്ങനെ ചാരി നിന്നു , എന്നിട്ട് പതിയെ തിരിഞ്ഞു വീട്ടിലേക്കു നടക്കുമ്പോൾ പുറകില നിന്നും ഒരു അശരീരി "അതൂടെ എടുത്തിട്ട് പോ മോളെ" എന്ന്... വൃത്തികെട്ടവന്മാർ, അവര്ക്കത് പപ്പുന്റെ ആണെന്ന് അങ്ങ് ധരിച്ചാൽ എന്താ!!! 

ഗുണപാഠം: പട്ടികല്ക്കും സംഭവം നിര്ബന്ധമാക്കണം 

അങ്ങനെ കല്യാണിക്കുട്ടി സൂപ്പർമാനെയും സൂപ്പർ വുമണിനെയും പോലെ സൂപ്പർ ആയി.. സംഭവം പുറത്തായി !!

***ഈയിടെ കല്യാണിക്കുട്ടി പോസ്റ്റ്‌ ചെയ്ത ഒരു തുണി മടക്കൽ വീഡിയോയിൽ നിന്നും പ്രചോദനം ഉൾക്കൊണ്ടു എഴുതി പോയതാണ്.

തോമസ്സുകുട്ടി വിട്ടോഡേയ്.....

 

News: സദാചാര പോലീസിനെതിരെ ചുംബനസമരം മെരൈൻ ഡ്രൈവിൽ !!!


സദാചാര പോലീസിനെതിരെയുള്ള സമരം കല്യാണിക്കുട്ടി അനുകൂലിക്കുന്നു. പക്ഷെ...

ആണും പെണ്ണും തമ്മിൽ ഒന്ന് മിണ്ടിയാൽ... ഒന്ന് അടുത്തിരുന്നാൽ... ഒന്ന് കൈ കൊടുത്താൽ... ഒന്ന് തോളിൽ കൈയ്യിട്ടാൽ... അതിൽ കാമം മാത്രം കാണുന്ന ഒരു ജനത ആണ് നമ്മുടെ. അതിനെതിരെ ഉള്ള ഒരു സമരം എന്ന നിലയിൽ ആണും പെണ്ണും തമ്മിൽ കാമം എന്ന വികാരം മാത്രമല്ല, അവര്ക്ക് ഉത്തമ സുഹൃത്തുക്കൾ ആകാം എന്ന് ഈ സദാചാര പോലീസിനു കാട്ടി കൊടുക്കാൻ  ആയുള്ള ഏതേലും ഒരു  സമരമുറ ആയിരുന്നു അഭികാമ്യം,... എന്നാണു കല്യാണിക്കുട്ടിയുടെ അഭിപ്രായം.

ഇനി താഴെ പറയുന്ന കാര്യങ്ങൾ ഒന്ന് visualize ചെയ്തു നോക്കുവാൻ അപേക്ഷ :)

രംഗം 1:
ഇന്നത്തെ കാലത്തെ സണ്ണി ലിഓൻ പോലെ ഉള്ള നായികമാരുടെ ഹിന്ദി സിനിമ അല്ലെങ്കിൽ ഗാന രംഗങ്ങൾ നിങ്ങൾ സ്വന്തം അച്ഛനമ്മമാരുടെ കൂടെ ഇരുന്നു കാണുന്നു.(രംഗം ഒന്ന് തീര്ന്നു.. Bell അടിക്കാം..) ഡിൻ.....

രംഗം 2:
ഇതേ പോലുള്ള സിനിമകൾ നിങ്ങളുടെ മുതിര്ന്ന കുട്ടികളുടെ കൂടെ ഇരുന്നു കൂൾ കൂളായി കാണുന്നു. ഡിൻ ഡിൻ....

രംഗം 3:
നിങ്ങളുടെ കുഞ്ഞു കുട്ടികളെ ഇതേ പോലുള്ള സിനിമകളും ഗാന രംഗങ്ങളും കാണിക്കാൻ ശ്രമിക്കുന്നു.  ഡിംഗഡിംഗഡിൻ....

രംഗം 4:
നിങ്ങളുടെ അച്ഛനമ്മമാർ നിങ്ങളുടെ മുന്നില് വെച്ച് പ്രേമപുരസരം French kiss ചെയുന്നു. ( ചിരിക്കരുത് please  :) .. അവര്കിത് ചെയ്യാൻ അറിയാൻ പാടില്ല എന്നും വിചാരിക്കരുത് ) . ഡിൻഡിൻ ഡിംഗഡിംഗഡിൻ.....

അമേരിക്ക പോലുള്ള രാജ്യങ്ങളിൽ സ്വന്തം കുട്ടികൾ കാണ്‍കെ ഇതേ പോലെ ഒക്കെ കാണിച്ചില്ലെങ്കിൽ അച്ഛനമ്മാർ തമ്മിൽ എന്തോരോ പ്രശ്നം എന്നാണു വ്യാഖ്യാനം. ( അമേരിക്കൻ പൌരത്വം എടുത്ത, jeans ഇടുന്ന കല്യാണിക്കുട്ടിയെ പോലെ ഉള്ളവരെ കുറിച്ചല്ല ഇത് ;) )

മേൽ പറഞ്ഞ 4 രംഗങ്ങളിലും നിങ്ങള്ക്ക് യാതൊരു വിധത്തിലുമുള്ള ഒരു ശ്വാസം മുട്ടലും അനുഭവപ്പെടുന്നില്ലെങ്കിൽ, തോമസ്സുകുട്ടി  വിട്ടോഡേയ് .... You are eligible for Marine Drive Event!
 

കല്യാണികുട്ടി's vacation!

 മര്യാദക്കു ജോലി ചെയ്യാത്തതിന്റെ ശിക്ഷയായ് ആണ് കല്യാണികുട്ടിയെ മാനേജർ ന്റെ റൂമിലേക്ക്‌ സ്ഥലം മാറ്റിയെതെന്നു ഭര്ത്താവ് പരദൂഷണം പറയുന്നു.. ഹും അതെന്താ ടൈം ഔട്ട്‌ റൂമോ??? ഒന്നുമല്ലേലും ഒരു സ്ഥാനകേറ്റം അല്ലെ, ഒന്നാം നിലയിലുള്ള കല്യാണികുട്ടിയുടെ റൂമിൽ നിന്നും മൂന്നാം നിലയിലുള്ള മാനേജർ ൻറെ റൂമിലേക്ക്‌!!!!

 

അങ്ങനെ കഴിഞ്ഞു കൂടുന്ന സമയത്താണ് ബോധോദയം ഉണ്ടായത്, പെങ്കൊച്ചിനെ ശബരിമലയിൽ കൊണ്ട് പോകണം, ചെറുക്കനെ എഴുതിനിരുത്തണം.. ഇതിനു ഒരു പരിഹാരമേ ഉള്ളൂ... നാട്ടിൽ പോകണം. അതെ, നാട്ടിൽ എത്തണം!  ഒടുവിൽ  ഫെബ്രുവരി യിൽ നാട്ടിൽ പോകാൻ തീരുമാനിച്ചു ... ഇനി അത് മാനേജർ നെ അറിയിച്ചു ഒരു ലീവ് സംഘടിപ്പിക്കണം ....

 

 4 ആഴ്ച എങ്കിലും വേണ്ടേ നാട്ടില പൊയ് വരാൻ... പക്ഷെ നല്ല ജോലി തിരക്കുള്ള സമയം, 4 ആഴ്ച ഒക്കെ കിട്ടുമോ! ആദ്യം 3 ആഴ്ച ചോദിക്കാം പിന്നെ അത് 4 ആക്കി തരാമോ എന്ന് ചോദിക്കാം...അവസാനം അർമേനിയക്കരൻ മാനേജർനോട് 3 ആഴ്ച ലീവ് ചോദിച്ചു. റൂമിന്റെ പല ഭാഗതൂന്നായി പല തലകൾ ഡും എന്ന് കല്യാണികുട്ടിയുടെ നേരെ തിരിഞ്ഞു... "യു mean 3 weeks ???" എന്ന് മാനേജർ എടുത്തു ചോദിച്ചു.. അയ്യോ കുറഞ്ഞു പോയോ! "Yes (തൽകാലം ) 3 weeks " എന്ന് മറുപടി കൊടുത്തു. ഉടനെ തന്നെ ലങ്ങേരു പറഞ്ഞു "I can give you 2 weeks off , more than that is impossible now ". കല്യാണികുട്ടി shocked. 

 

അന്നത്തെ ദിവസം ടീമിൽ എല്ലാര്ക്കും സംസാരിക്കാൻ വിഷയം കിട്ടി - vacation ! അമേരിക്കകാർ പറയുന്നു അവർ ഇത് വരെ ഒരു ആഴ്ചയിൽ കൂടുതൽ ഉള്ള vacation എടുത്തിട്ടില്ലെന്ന് - (അതിൽ കൂടുതൽ അവര്ക്കെന്തിനാ !!! കൂടി പോയാൽ ഒരു Hawaii, അതും അല്ലേൽ Florida or California, പിന്നെ ആണ്ടിൽ ഒരിക്കൽ നന്ദി പറയാൻ parents ന്റെ അടുത്ത് പോകുന്ന പോക്ക്, ഇത്രേ ഒകെ അല്ലെ ഉള്ളൂ ഇവരുടെ vacation ! അതിനു ഒരു വീക്ക്‌ ഒക്കെ ധാരാളം). അപ്പോൾ അതാ ബൾഗേറിയകാരൻ പറയുന്നു അയാള് 2 weeks എടുത്തു നാട്ടിൽ പോയിട്ടു ബോർ അടിച്ചു പോലും (അതെങ്ങിന അടിക്കതിരിക്കും... കടല്പ്പുറത്തു പോയി പൊള്ളുന്ന വെയിലത്ത്‌ പായും വിരിച്ചു വായും പൊളിച്ചു മലർന്നു കിടന്നാൽ 2 weeks പോയിട്ട് 2 days കൊണ്ട് തന്നെ ബാക്കി ഉള്ളവര്ക്ക് ബോർ അടിക്കും, അല്ല പിന്നെ). അപ്പോൾ അർമേനിയകാരൻ മാനേജർ പറയുന്നു 2 weeks എടുത്തു ഒരിക്കൽ പോലും അർമേനിയ പോയിട്ടില്ലെന്ന് ( @ #$*&@ ...ലങ്ങേരുടെ അപ്പനും അപ്പൂപ്പനും, അപ്പൂപ്പന്റപ്പനും അപ്പൂപ്പന്റഅപ്പൂപ്പന്റഅപ്പനും മൂടോടെ അമേരിക്കയിൽ കുടിയേറിയിരിക്കുന്ന സ്ഥിതിക്ക് ഇങ്ങെർക്കെന്തിനാപ്പാ 2 weeks !!!). ഇനി ഒരു ആശ്വാസം ഒരേ ഒരു ദേശിയായ സരിത ആണ്. ഇവളും ഇനി നമ്മുടെ സോളാർ സരിത പോലെ കാലു മാറുമോ??  അപ്പോൾ അതാ സരിത വായ് തുറന്നു... ലവൾക്കും 2 weeks too much പോലും!!! ( ഈശ്വരാ ഇവള്ക്ക് Full Time കിട്ടി എങ്ങൊട്ടേലും പണ്ടാരമടങണേ.. വര്ഗ്ഗ സ്നേഹമില്ലതവൾ !!!) . കല്യാണിക്കുട്ടിയുടെ അന്നത്തെ ദിവസം ഒരു രണ്ടു രണ്ടര ദിവസം ആയിരുന്നു.

അന്ന് രാത്രി എങ്ങനെ മൂന്നു ആഴ്ച എങ്കിലും ലീവ് കിട്ടിക്കാം എന്ന് വിശകലനം ചെയുതു,  senti dialogues  അടിച്ചു മാനേജർനെ എങ്ങനെ വീഴിപ്പിക്കാം എന്ന് പല വട്ടം പല രീതിയിൽ പ്രാക്ടീസ് ചെയ്തു. പിറ്റേന്ന് അതിരാവിലെ തന്നെ ഓഫീസിൽ ഹാജിറായി . ഒരു ചാൻസ് കിട്ടിയ തക്കത്തിന് തലേ ദിവസം പ്രാക്ടീസ് ചെയ്തതിനെ ക്കാളും നന്നായി സംഗതി അവതരിപ്പിച്ചു.. അതിയാൻ അതിൽ വീണ മട്ടുണ്ട്. Secret പറയുന്ന പോലെ പറഞ്ഞു അങ്ങേരുടെ മാനേജർ ന്റെ അടുത്ത് ഒന്ന് അവതരിപ്പിച്ചിട്ടു അറിയിക്കാം എന്ന്. മതി. അത് മതി, take your time Mr Manager .. കല്യാണികുട്ടി ലീവ് ഏതാണ്ട് ഉറപ്പിച്ചു.

ഈശ്വരാ സമയം അങ്ങോട്ട്‌ നീങ്ങുന്നില്ലെല്ലോ.. മാനേജർ സാർ പുറത്തു പോയിട്ട് വന്നിട്ടുമില്ല, ഇനി അതിയാൻ വലിയ മാനേജർ നെ കാണാൻ പോയതാവുമോ !!! അങ്ങനെ ആലോചിച്ചിരിക്കുമ്പോൾ ആരോ ഡോർ തുറക്കുന്ന ശബ്ദം , ദാ മാനേജർ, ഫോണിൽ ആരോടോ സംസാരിച്ചു കൊണ്ട് എന്നെ നോക്കി പുറത്തേക്കു വരാൻ  കൈ കാണിച്ചു.  അയ്യോ!!! കല്യാണികുട്ടിയുടെ നെഞ്ചു ഒന്ന് ആളി .. ലീവ് sanction ആയില്ലേ കൃഷ്ണാ !!!!! മാനേജർ എന്നെ നോക്കുന്നില്ല, പുള്ളി കോറിഡോർ വഴി kitchen ഇൽ എത്തി, കല്യാണികുട്ടി പുറകെയും. മാനേജർ ഫോണിൽ അർമേനിയൻ ഭാഷയിൽ എന്തൊക്കെയോ കര് മുറെ പറയുന്നുണ്ട്. ഇത്തിരി ദേഷ്യത്തിൽ ആണെന്ന് തോന്നുന്നു. കല്യാണികുട്ടി പാട്ടംമ്പലത്തിലമ്മക്ക് പുഷ്പാഞ്ജലി നേർന്നു ... ദാ മാനേജർ kitchen ഇൽ  നിന്നും ഒരു കപ്പ്‌ കാപ്പി എടുത്തു നേരെ പ്രിൻറർ റൂം-ലേക്ക്, കല്യാണിക്കുട്ടി പുറകെയും. മാനേജർ ൻറെ ശബ്ദം ഇത്തിരി കൂടി ഉയര്ന്നു, കല്യാണികുട്ടി കിടങ്ങൂർഅപ്പന് ചന്ദനം ചാർത്ത് നേർന്നു. ഇതിയാനു എന്നെ നോക്കി എന്തേലും ഒരു action കാണിച്ചു കൂടെ??? Yes എന്നോ നോ എന്നോ... ഈശ്വരാ എന്നെ ഇങ്ങനെ ഇട്ടു തീ തീറ്റികാതെ..ദാ പോകുന്നു മാനേജർ restroom ലേക്ക്. ബാത്രൂം ന്റെ വാതുക്കൽ കല്യാണികുട്ടിയുടെ പ്രാര്ത്ഥന continued . തൊണ്ട ഒന്ന് നനക്കാൻ water fountain ലേക്ക് കുനിഞ്ഞ സമയം മാനേജർ pass ചെയ്തു പോകുന്ന കണ്ടു. വെള്ളം കുടി നിർത്തി വീണ്ടും നമ്മൾ പുറകെ നടപ്പ് പുനർആരംഭിച്ചു. അതാ അങ്ങേരു നോട്ടീസ് റൂമിലേക്ക്‌, ഇപ്പൊ സൈഡ് വ്യൂ കാണാം വെളുംബനായ അങ്ങേരുടെ മുഖം ചുവന്നിരിക്കുന്നു... അയ്യോ ലീവ് ചോദിച്ചതിനു എന്നെ പിരിച്ചു വിട്ടോ ആവോ!!! എൻറെ പഴവങ്ങാടി ഗണപതിയെ.... 5 തേങ്ങ ഉടചെക്കാമേ...

മാനേജർ അവിടുന്ന് നടന്നു കോറിഡോർ വഴി വീണ്ടും ഞങ്ങളുടെ ഓഫീസി റൂം ന്റെ വാതുക്കൽ എത്തി. കല്യാണികുട്ടി തൊട്ടു പുറകെ പൊയ് ഭവ്യതയോടെ നിന്ന്. മാനേജർ ഫോണ്‍ സംസാരം നിരത്തി എന്നെ നോക്കി "Hi " പറഞ്ഞു. കല്യാണികുട്ടിക്കു ശബ്ദം പുറത്തേക്കു വരുന്നില്ല. മാനേജർന്റെ വായിലേക്ക് തന്നെ മിഴിച്ചു നോക്കി നിക്കുന്നു. മാനേജർ പുരികം ചുളിച്ചു  ചോദിക്കുന്നു "What happend ?" .. ങേ കല്യാണികുട്ടിക്കും അത് തന്നെ ആണ് അറിയേണ്ടത് "What happened ??" ഒന്ന് pause ചെയ്തിട്ട് കല്യാണിക്കുട്ടി ചോദിച്ചു "Why did you call me?". മാനേജർ അതിശയത്തോടെ "Who , me ???? No I  didnt. I felt somebody was following me, was that you?".

അങ്ങേരു അങ്ങനെ വിളിച്ചതായിട്ട് ഓർക്കുന്നു പോലുമില്ലത്രേ ! കൈ കൊണ്ട് കുറെ ആഗ്യം കാണിച്ചാലേ അതിയാനു അർമേനിയൻ ഭാഷ വരുകയുള്ളൂ പോലും!!!! ഇത്രയും വൃത്തികെട്ട ഒരു ഭാഷ! അന്നത്തെ ദിവസം സംസാരിക്കാനും ചിരിക്കാനും topic ഉണ്ടാക്കി കൊടുത്തതിനു ടീമിൽ ഉള്ളവർ കല്യാണിക്കുട്ടിക്ക് അകമോഴിഞ്ഞു നന്ദി പറഞ്ഞു.

വാൽകഷ്ണം : കല്യാണിക്കുട്ടിയുടെ നിഷ്കളങ്കത കണക്കിലെടുത്ത് 3 weeks vaction അനുവദിച്ചു. ഈ മാർഗം അനുകരിക്കാൻ ശ്രമിക്കുവരുടെ ശ്രദ്ധയ്ക്ക്‌- This idea is copyrighted by one and only കല്യാണികുട്ടി!

 

 

കൈയ്യാല പുറത്തെ ആന്റി!!!

New generation cinema കാലഖട്ടത്തിൽ എന്നെ ഞെട്ടിച്ചത് നമ്മുടെ Shwetha Menon തന്നെ. ലൈവ് ഡെലിവറി locker -ൽ safe ആണ് എന്ന് ബ്ലെസിയുടെ ഉറപ്പു പ്രസ്താവന കൂടി കേട്ടപ്പോൾ എനിക്ക് പേരറിയാത്ത ആ ആന്റിയെ  ഓര്മ വന്നു. ഇതൊക്കെ കാണുമ്പോൾ ആന്റി എന്നെയും ഒര്ക്കുന്നുണ്ടാവും!

ഓർമ്മകൾ ഒരു പത്തു കൊല്ലം പുറകിലേക്ക് rewind ചെയ്യട്ടെ...

പരീക്ഷ കഴിഞ്ഞാലെ കല്യാണം ഉള്ളൂ പോലും, ശെരി സമ്മതിച്ചു, പരീക്ഷ കഴിഞ്ഞു. കല്യാണം കഴിഞ്ഞോ? ഇല്ല..  ഇനി Viva കഴിഞ്ഞാലെ കല്യാണം ഉള്ളൂ എന്നായി.  അതും സമ്മതിചു.  എന്നിട്ടും കല്യാണം കഴിഞ്ഞോ? ഇല്ല. ഉറപ്പീര് കഴിഞ്ഞു മാസങ്ങള പലതായി. "ലീവ് കിട്ടിയാ അന്ന് കല്യാണം" എന്ന് ആണ ഇട്ടു, ആണ ഇട്ടു ചെക്കന്റെ അണ പല്ലിളകി. വീട്ടുകാര്ടുടെ മാത്രമല്ല നാട്ടുകാരുടെയും ക്ഷമ കെട്ടു. ചോദ്യങ്ങള പലതായി, ഇവളുടെ കല്യാണം മാറി പോയോ? (നാടിന്റെ നാൽകവലകളിലും മൂക്കവലകളിലും കൂടുന്ന നാട്ടുകാരുടെ വേവലാതി അവര്ക്കല്ലേ അറിയൂ ...നിഷ്കളങ്കർ!!! )അതോ ഇനി ചെക്കനു അമേരിക്കയിൽ മദാമ്മയുമായി വല്ല ദിന്ഗോൽഫി  ഉണ്ടോ എന്ന് പോലും നാട്ടുകാര് investigation തുടങ്ങിയ സാഹചര്യം, മറു ഭാഗത്ത്‌ 70% സമയവും ചെക്കനുമായി ഫോണിലും, 20% സമയം ചെക്കന്റെ ഫോട്ടോ നോക്കിയിരിപ്പും, ബാക്കിയുള്ള ഇത്രോ ശതമാനം സമയം അമേരിക്കൻ ഡ്രീം ലാൻഡ്‌ലും ആയി നടക്കുന്ന മോളുടെ പരുവവും കണ്ടു മനം നൊന്തു മകളെ സുരറ്റിൽ ഉള്ള മൂത്ത മകളുടെ അടുത്തേക്ക് കെട്ടു കെട്ടിച്ചു പിതാവ് മാനം കാത്തു.

3 മാസം സുരറ്റിലും ഈ ഉള്ളവൾ മേൽ പറഞ്ഞ ശതമാനത്തിൽ ജീവിച്ച്‌ , അവിടെ ഉള്ള കക്ഷം മറക്കാത്ത ബ്ലൌസ് ഇടുന്ന, ആ ഭാഗത്ത്‌ വേണ്ട തുണി കൊണ്ട് matching ബാഗ്‌ തുന്നി കൈയ്യിൽ കറക്കി  "ജാടയോ, എന്ന് വെച്ചാ എന്താണ്" എന്ന് ചോദിക്കുന്ന "സൊസൈറ്റി ലേഡീസ്" എന്ന് മുദ്ര കുത്തപെട്ട പാവം ജന വിഭാഗത്തിന്റെയും തല പല രീതിയിൽ വർക്ക്‌ ചെയ്യിപ്പിചു സായുജ്യമടഞ്ഞു. അവസാനം അവിടുന്ന് തിരിച്ചു നാട്ടിലേക്ക് കെട്ട് കെട്ടിച്ചു ചേച്ചിയും മാനം കാത്തു.

മൂഷിക സ്ത്രീ വീണ്ടും മൂഷിക സ്ത്രീ... mother land-ലെ മഴ മണ്ണിന്റെ മണവും പിടിച്ചു 5 മിനിറ്റ് ദൂരത്തിൽ താമസിക്കുന്ന മുത്തശ്ശിയെ കാണാൻ ഇറങ്ങിയപ്പോൾ ഇടക്കൊക്കെ കണ്ടു പരിചയമുള്ള പേരറിയാത്ത ഒരു ആന്റി യും ഒപ്പം കൂടി .
ആന്റിയുടെ ആദ്യ ചോദ്യം: "മോൾ എന്ന് തിരിച്ചെത്തി?" .
ങേ!!! ഞാൻ സുരറ്റിൽ പോയതും ഇവരരിഞ്ഞോ!!! ഇത്രയും ഫേമസ് ആയ വിവരം ഞാൻ അറിഞ്ഞില്ലെല്ലോ!!! എന്ന് മനസ്സില് ഓര്ത് റിപ്ലിച്ചു : "കഴിഞ്ഞ ആഴ്ച" .
അടുത്ത ചോദ്യം :" എന്നാ ഡേറ്റ്?"
വലിയ interest ഇല്ലാതെ ഞാൻ പറഞ്ഞു : "ലീവ് കിട്ടുന്ന പോലെ ." 
"ഓ!!! " ഒന്ന് ഞെട്ടിയ ആന്റി  വീണ്ടും തുടുത്തു അടുത്ത ചോദ്യം : "എവിടെ വെച്ചാ?".
ഇവരെ കൊണ്ട് തോറ്റു... സ്വപ്നം കാണാനുള്ള വിലയേറിയ % ടൈം ആണ് ഇവര വേസ്റ്റ് ചെയ്യുന്നെ... പണ്ടാരം! . ഉത്തരം കൊടുത്തു : "Auditorium നോക്കുന്നുണ്ട്, കിട്ടിയില്ലേൽ അമ്പലത്തിലെ ഹാൾ ബുക്ക്‌ ചെയ്യണം.

ഞെട്ടലിന്റെ ആഖതത്തിൽ ഫൂ എന്ന് തെറിച്ചു പോയ മുന്നിലത്തെ വെപ് പല്ലും,സോഡാ കണ്ണാടിയിൽ മുട്ടി നിന്ന മുഴുത്ത കണ്ണുകളുമായി  താഴെ വീഴാതിരിക്കാൻ കൈയ്യാലയിൽ പിടിച്ചു നിന്ന  ആ ആന്റിയെ ആണ് Shwetha Menon എന്നെ remind ചെയ്യിപ്പിച്ചത്.

ഇനി ആന്റിയോട്‌ ഒരു ചോദ്യം: ആദ്യമേ തന്നെ "മോളുടെ കല്യാണം കഴിഞ്ഞോ?" എന്ന് എന്തെ ചോദിച്ചില്ല? അങ്ങനെ ചോദിച്ചിരുന്നെങ്കിൽ അന്ന് ആ കൈയ്യലപ്പുറത്തു ചാരി നില്ക്കേണ്ടി വരില്ലയിരുന്നെല്ലോ! ഒരൊറ്റ ചോദ്യം മതി നിങ്ങളുടെ ജീവിതം മാറ്റി മറിക്കാൻ എന്ന് പറഞ്ഞു കൊടുക്കാൻ അന്ന് സുരേഷ് ഗോപിയും ഇല്ലായിരുന്നു.  പാവം കൈയ്യാല പുറത്തെ ആന്റി!!!

 

പാവം ഭര്‍ത്താക്കന്മാര്‍!

Phone Conversation # 1:

 " ഡേയ് , പറയാന്‍ മറന്നു, ഞാന്‍ കുറച്ചു stock മേടിച്ചായിരുന്നു."
 " ഉം..അത് അറിയില്ല, പക്ഷെ 1000 dollar നഷ്ടമാണ്!"
( background- ല്‍ ഭാര്യ ഞെട്ടുന്ന ശബ്ദം)


phone conversation # 2:
‍
"ഡേയ്, ഞാന്‍ ഒരു lens ഞാന്‍ മേടിച്ചു  ട്ടോ."
"അതെ, അത് തന്നെ...., ഇന്നലെ മേടിച്ചത് കൊണ്ട് 300 dollar ലാഭമായി. അല്ലായിരുന്നേല്‍ ഇപ്പൊ ഡോളര്‍ 2300 കൊടുക്കേണ്ടേ!!!"
(background- ല്‍ ഭാര്യ വീഴുന്ന ശബ്ദം)


phone Conversation # 3:

"ഡേയ്, ഈ പഴം എത്രണ്ണം വേണം?"
"ചെറുത്‌ വേണോ വലുത് വേണോ?"
"പഴുത്തത് വേണോ, പഴുക്കാതെ വേണോ?"
"light മഞ്ഞ വേണോ, dark മഞ്ഞ വേണോ, അതോ മഞ്ഞയില്‍ കറുത്ത design ഉള്ളത് വേണോ?"
(background- ല്‍ ഭാര്യ phone വലിച്ചെറിയുന്ന ശബ്ദം)

വാല്‍കഷ്ണം:
stock  -$ 2000 , lens- $ 2300, പഴം- $1

ഇതാ പറഞ്ഞെ,.. ചോദിക്കാതെ മേടിച്ചാലും കുറ്റം, ചോദിച്ചിട്ട് മേടിക്കാമെന്ന് വെച്ചാലും കുറ്റം! പാവം പാവം ഭര്‍ത്താക്കന്മാര്‍!!!